ئەری هۆی هۆی ئەری هۆی هۆی ئەری هۆی ئەمن لێرەمە ناسکۆڵێ رەیحان بە کۆڵێ ئەتوو لە کۆی خۆ ئەوە سێو و هەرمێی بەندەنان ئیکلامت لە بەر دەکێشن ئەگەر ئەتوو گوڵێ دە لەندی شکۆی ناوەڵاهی شاگوڵێ لە بارەگاهی ئەمیر سمکۆی شەماڵێک راتدەکێشیتە تارانی زریانێکت دێنێتە ئەستەمبووڵی لە سوورکوژێ لە سەڵایە لە دەهۆی ئەمن ئەمەگ کێشی دە کوڕە کوڕی ئەمیری بە هەزار پەلکێ هێرۆی دەگەڵ گەڵایە هەنجیری لێم خوێندوونە زمانی کوێخا و گزیری ئاخر پەپوولەمە لە قەراری بەهارن سەری ڕووتە بە فەقیری دەرکە و دەرکان دەکەم راناوەستم لە راموسێ بەیبوونی لە مژتنێ گەرنی گوڵی بەر پەنجێرەی ئۆدە و لیری خاتوون گاز دەکا نەکەی لە دیوەخانیم هەستی لێت نەکەمەوە چ هەستی ئەگەر تماشا دەکەم چ تماشا کەم ئەوە سمیتکۆ رەخت و فیشەکدانی ڕادەبەستی ئەوە لێک ڕادەبەزن جەرگ و هەناوم بە دەروەستی هەزار چەکدار و چراگر و پیاوچکۆڵان دە رستەی سواران دەکەن ئەری لە من گەیوەتێ خەزانی خەزانێکی سەر بە خەمە کوا پەپوولەی باڵتەزیوم بە قامچی باقەدەری دەوەستی ناوەڵڵاهی بڵا سەر و سینگانمت دە نیری رەزبەری کەم ئەگەر دڵی باران و هەورانم بۆ راناوەستی ئەری داد د
گەلی گەلی گەلی نە مەجالی نە محەلی ئەوە چریکەی دەمانچانە خرمەی کەڵاشانە زرینگەی فیشەکانە لە دۆڵی لە دوندی لە کەلی ئەگە بەرد لە بەردی دەبنەوە دەپەڕن گەڵا لە پەلی بابە جەرگی بریندارە چاوی خوێن بارە بە هەڵاڵانی دەشوبهێنم بۆ کزەی دە شەوبایە مەحتەلی ئەوە بۆی هاتوونە کەناری لە گوڵی لە پەپوولەی لە مەلی شەماڵی دەستی ناوەتە بنان‌گوێیان هەڵیهێناوە دەنگی مەقامی پێ‌هەڵدەلی هەی لە شەماڵت کەوی هەر وەری دەسەرت گەڕێم هەزار چەلی تەوارەکەی شمقار لە بەرییە لە بن هەورە ڕەشی لە سەر تیلگی سپییە ئەوە چاوێکم لێ هەڵێنە دڵێکم گری گرییە رۆڵە ئەمن چ مردنم لێ نییە هەورە ڕۆ هەورە ڕۆ لە برینێ من و لە حەیاتی تۆ خاکم بۆ بدێرە بە فرمێسکان له یەگدیان بسوو برۆیان وەک شیری ئاگرباری ئەگە کارێ بکاتە ئێسکان لە سەر خاکم بباری لە سووڕەتی مانگم بۆ هەڵگرە ئەوێ ماچی ئەوینێ کچێ شەتڵی هەڵاڵانم بۆ بچەقێنە لەوێ حەسڵی برینێ دە با بارانم بڕنی روومەتی شینێ لە ئاوێنانم وەرگێڕی بەختی روانینێ رەبی دامرکێ باران و شڵێوەی لە بەندەنی هەتا بەرگان نەگۆڕن کیژۆڵەی سینگ بە یاقووت و تەڵاگەردنی دەنا لێمی تەڕ نەکا پانیە و پەنجەی دەوێ کەوەژنی ڕۆ